ଗଞ୍ଜାମ “ଆମ ଅଧିକାର “ବ୍ରହ୍ମପୁର ମହାନଗର ନିଗମ ଅନ୍ତର୍ଗତ ୨୩ ନମ୍ବର ୱାର୍ଡରେ ହିତାଧିକାରୀମାନଙ୍କୁ ପାଲ ବଣ୍ଟନ କରାଯାଇଛି। ଏହି ପାଲ ବଣ୍ଟନ କାର୍ଯ୍ୟକ୍ରମରେ ୱାର୍ଡର କର୍ପୋରେଟର ଆରତୀ ତନ୍ତୀ ଙ୍କ ସ୍ୱାମୀ ରବି ତନ୍ତୀ ରହି ଉପସ୍ଥିତ ହିତାଧିକାରୀମାନଙ୍କୁ ପାଲ ବଣ୍ଟନ କରିଥିଲେ। ଏହି ପଦକ୍ଷେପ ମାଧ୍ୟମରେ ୱାର୍ଡର ଆବଶ୍ୟକତା ଥିବା ଲୋକଙ୍କ ନିକଟରେ ସହାୟତା ପହଞ୍ଚାଇବାକୁ ଉଦ୍ୟମ କରାଯାଇଥିଲା।
ସାଧାରଣ ଲୋକଙ୍କ ଦୈନନ୍ଦିନ ସମସ୍ୟା ଓ ଆବଶ୍ୟକତାକୁ ନେଇ ସ୍ଥାନୀୟ ଜନପ୍ରତିନିଧିଙ୍କ ଦାୟିତ୍ୱ ଅନେକ ଗୁରୁତ୍ୱ ବହନ କରିଥାଏ। ବିଶେଷକରି ଗରିବ ଓ ଅସହାୟ ପରିବାରଙ୍କ ପାଇଁ ଆବଶ୍ୟକ ସାମଗ୍ରୀ ଯୋଗାଇଦେବା ଏକ ପ୍ରଶଂସନୀୟ ପଦକ୍ଷେପ। ଏହି ଦୃଷ୍ଟିରୁ ୨୩ ନମ୍ବର ୱାର୍ଡରେ ଆୟୋଜିତ ପାଲ ବଣ୍ଟନ କାର୍ଯ୍ୟକ୍ରମକୁ ସ୍ଥାନୀୟ ଅଞ୍ଚଳରେ ଗୁରୁତ୍ୱ ଦିଆଯାଇଛି।
ଏହି କାର୍ଯ୍ୟକ୍ରମରେ କର୍ପୋରେଟର ସ୍ୱାମୀ ରବି ତନ୍ତୀ ଙ୍କ ସହିତ ସ୍ୱଚ୍ଛସାଥୀ ଏବଂ ସୁପରଭାଇଜର ମାମାଲି ଦାସ ଉପସ୍ଥିତ ରହିଥିଲେ। ସମସ୍ତଙ୍କ ସହଯୋଗରେ ପାଲ ବଣ୍ଟନ କାର୍ଯ୍ୟକୁ ସୁବ୍ୟବସ୍ଥିତ ଭାବରେ ସମ୍ପନ୍ନ କରାଯାଇଥିଲା
କାର୍ଯ୍ୟକ୍ରମ ସମୟରେ ସୂର୍ଯ୍ୟ ନଗର ସାହି ସେବକ ନଗର ସାହି ଗଲା ପୁଲି ସାହି ଓ ବାଡେଇ ସାହି ହିତାଧିକାରୀମାନେ ୧୫୦ ରୁ ଉର୍ଦ୍ଧ ପାଲ ଗ୍ରହଣ କରିଥିଲେ। ଏଭଳି ଜନହିତକର କାର୍ଯ୍ୟକ୍ରମ ମାଧ୍ୟମରେ ସ୍ଥାନୀୟ ଲୋକଙ୍କ ସମସ୍ୟା ପ୍ରତି ଗୁରୁତ୍ୱ ଦେବା ସହ ଜନପ୍ରତିନିଧି ଓ ଜନସାଧାରଣଙ୍କ ମଧ୍ୟରେ ସମ୍ପର୍କ ଆହୁରି ସୁଦୃଢ଼ ହୋଇପାରିବ ବୋଲି ଆଶା କରାଯାଉଛି।
ୱାର୍ଡର ବିକାଶ ସହିତ ଜନସାଧାରଣଙ୍କ ମୌଳିକ ଆବଶ୍ୟକତା ଓ ସମସ୍ୟାର ସମାଧାନ ଦିଗରେ ଏଭଳି ପଦକ୍ଷେପ ଜାରି ରହିବା ଆବଶ୍ୟକ। ଜନସାଧାରଣଙ୍କ ସୁବିଧା ଓ ସ୍ୱାର୍ଥକୁ ଗୁରୁତ୍ୱ ଦେଇ ଏଭଳି ସହାୟତାମୂଳକ କାର୍ଯ୍ୟକ୍ରମ ଆଗାମୀ ଦିନରେ ମଧ୍ୟ ଜାରି ରହିବ ବୋଲି ଅଞ୍ଚଳବାସୀ ଆଶା ପ୍ରକାଶ କରିଛନ୍ତି।
ଗଞ୍ଜାମ ବ୍ରହ୍ମପୁର ରୁ ଶ୍ରୀକାନ୍ତ କୁମାର ବେହେରାଙ୍କ ରିପୋର୍ଟ ଆମ ଅଧିକାର
